წონაში დაკლება

საშუალოდ, ადამიანს დღეში 2000 კალორია სჭირდება, თუმცა მათთვის, ვისთვისაც წონაში დაკლება მნიშვნელოვანია, დღიური ნორმა მინიმუმ 500 კალორიით ნაკლებს უნდა შეიცავდეს. წარმოგიდგენთ რამოდენიმე რჩევას, რომელიც დაგეხმარებათ დღეში 500 კალორიით ნაკლები მიიღოთ.
1, იარეთ ფეხით, ეს გულისხმობს, რომ გამოიყენოთ ყველა შესაძლებლობა, როცა შეგიძლიათ ფიზიკურად იაქტიუროთ. უარი თქვით ლიფტზე, ახლო მანძილზე სატრანსპორტო საშუალებებით გადაადგილებაზე და ა.შ.
2, უარი თქვით თხილეულზე. მიუხედავად იმისა, რომ ის კარგია გულისთვის, წარმოუდგენლად კალორიულია. მზესუმზირა, თხილი, მიწის თხილი, კაკალი – ყველაფერი ეს, უბრალოდ ამოიღეთ რაციონიდან.
3, ნუ მიირთმევთ ტელევიზორის წინ – თქვენ 288 კალორიით მეტს იღებთ ამ დროს, რადგან ვერ აკონტროლებთ საკვებ რაციონს და ზომას. მიირთვით მაგიდასთან, შემდეგ ისეირნეთ ერთი საათი ფეხით და ბოლოს უყურეთ ტელევიზორს.
4, დააკვირდით სალათის რაციონს-რადგან სალათი დიეტურ საკვებად მიიჩნევა, თუმცა მის შემადგენლობაში შეიძლება შედიოდეს ისეთი კალორიული ინგრედიენტები, როგორიცაა: მაიონეზი, ცხიმიანი ყველი, ბეკონი, ზეთის ხილი… და ამ შემთხვევაში თქვენი დიეტური სალათი სინამდვილეში კარგად კალორიული კერძია.
5, გამოიყენეთ პატარა ზომის თეფშები,-რადგან ამ დროს საკვების ულუფასაც თეფშის ზომის მიხედვით, ანუ მცირე რაოდენობით იღებთ.
6, ფრთხილად იყავით დესერტთან, ისეთთან როგორიც არის თუნდაც ყავაზე მოსხმული კრემი. ამგვარ, თითქოსდა მცირე ზომის დესერტს შეიძლება 650 კალორია ჰქონდეს. ამის ნაცვლად არჩიეთ ესპრესოს პატარა ჭიქა ყავა.
7, უარი თქვით ჩიფსებზე-ერთი შეხედვით ეს მცირე ზომის, თხელი საკვები წარმოუდგენლად კალორიულია. ის არც დაგანაყრებთ და ზედმეტ კალორიებსაც შეგმატებთ.
8, ნაკლებად გამოიყენეთ ტომატ პასტა- ეს ინგრედიენტი თითქმის ყველა დიასახლისის სამზარეულოშია. რა თქმა უნდა, ის დამატებით გემოს და არომატს აძლევს საკვებს, მაგრამ… კალორიებითაც ამარაგებს. ეცადეთ უარი თქვათ პომიდვრის პასტაზე.
9, მოერიდეთ ტკბილეულს – ხშირად ერთი მცირე ზომის ნამცხვრის ნაჭერის მირთმევის უფლებას ვაძლევთ ჩვენს თავს. ვფიქრობთ, რომ ის არ არის სახიფათო ჩვენი წონისთვის, მხოლოდ ერთი ნაჭერია. სინამდვილეში კი შესაძლოა ნამცხვრის მცირე ზომის ნაჭერი 1200 კალორიას შეიცავდეს! ეს კი თითქმის მთელი დღის რაციონისთვის განკუთვნილი კალორიების რაოდენობაა.
10, იძინეთ ზომიერად-არც ნაკლები და არც მეტი ძილი, ორივე შემთხვევა უარყოფითად მოქმედებს თქვენს წონაზე, რადგან საკვების დოზას ორივე შემთხვევაში ზრდით.
11, გაზიანი ტკბილი სასმელები 182 კალორიიდან ზემოთ შეიცავენ. თავად გადაწყვიტეთ, თქვენ დღიურ ნორმაში გსურთ თუ არა მათი ჩართვა.
12, დაიწყეთ საუზმე ორი მოხარშული კვერცხით-ეს საკვები დღის განმავლობაში დიდი ხნით შეგინარჩუნებთ დანაყრების გრძნობას. თუმცა გაითვალისწინეთ, რომ ეს საუზმე კვირაში მაქსიმუმ სამჯერ შეგიძლიათ მიიღოთ.
13, შაქარზე უარი თქვით-ეცადეთ ყავა თუ ჩაი ნაკლები შაქრით ან საერთოდ, უშაქროდ მიიღოთ. თითო ჭიქა შაქრიანი ყავა ან ჩაი გულისხმობს 180-ამდე კალორიას დღეში.
14, შეამცირეთ დესერტის ზომა-თუ ვერ ახერხებთ ტკბილეულზე უარის თქმას, მისი ზომა შეამცირეთ. ერთი მთლიანი შოკოლადის ნაცვლად-ნახევარი, ერთი პორცია ნაყინის ნაცვლად-ნახევარი. ეს ხერხიც დაგეხმარებათ დღის განმავლობაში ნაკლები კალორიების მიღებაში.
15, და რაც მთავარია-იკვებეთ! არავითარი დიეტა და შიმშილი, რადგან, როცა გშიათ, კალორიების თვლის და სწორი კვების არანაირი სურვილი აღარ გრჩებათ. ნუ მიიყვანთ ორგანიზმს მოშიებამდე. იკვებეთ ხშირად და მცირე ულუფებით.გმადლობთ , რომ დაინტერესდით ჩვენი კლინიკით , გისურვებთ ჯანმრთელობას !