კითხვა: გამარჯობა. მაინტერესებს შარდის ბაქტეეიოლოგიური ანალიზის დროს რისი განსაზღვრა ხდება შარდში? საერთო ანალიზისგან რით განსხვავდება?
პასუხი:
მოგესალმებით,
შარდის საერთო ანალიზი ერთ-ერთ გავრცელებულ ლაბორატორიულ გამოკვლევას წარმოადგენს.
შარდის წარმოქმნის მექანიზმის გათვალისწინებით, იგი პირველ რიგში შარდ-სასქესო სისტემის ფუნქციურ მდგომარეობას ასახავს. ამავდროულად, შარდის საშუალებით შესაძლებელია ვიმსჯელოთ ორგანიზმში მიმდინარე სხვა მნიშვნელოვანი ცვლილებების შესახებაც, კერძოდ კი, შარდის ანალიზი იცვლება:
- დიაბეტის;
- ღვიძლისა და სანაღვლე გზების;
- პანკრეასის;
- სისხლის დაავადებების;
- ცხელების;
- ტუბერკულოზის;
- სხვადასხვა ინფექციური პათოლოგიის;
- მოწამვლების;
- ნივთიერებათა ცვლის დარღვევების;
- მთელი რიგი პათოლოგიების დროს.
შარდის საერთო ანალიზის ჩატარების შემდეგ, თუ არსებობს ეჭვი საშარდე გზების ინფექციაზე, მის გამოსავლენად არსებობს უტყუარი ტესტი - შარდის ბაქტერიოლოგიური გამოკვლევა, რაც საშუალებას იძლევა დიდი სიზუსტით დათვლილ იქნეს მიკრობთა კოლონიები და ზუსტად განისაზღვროს ბაქტერიურიის ტიპი და დონე.
ქირურგიის ეროვნული ცენტრის სახელით გისურვებთ ჯანმრთელობას!
გამოაგზავნეთ შეკითხვა
