ქიმიოთერაპია

მოგესალმებით,
ზოგადად ქიმიოთერაპია რთული პროცესია და ხშირ შემთხვევებში დამახასიათებელია მსგავსი ალერგიული და უფრო მძიმე დაზიანებები ( მუკოზიტი ).
თუმცა, კონკრეტულ შემთხვევაში გაქვთ თუ არა საშიშროება, ამომწურავ პასუხს ვერ გაგცემთ.
ცხადია,რომ ეს სიმპტომები პაციენტისათვის ქმნიან სერიოზულ დისკომფორტს და აუარესებენ ცხოვრების ხარისხს .
ამ მიმართულებით მნიშვნელოვანია მკურნალი ექიმის ჩართულობა .
სწორედ მისი კომპეტენციაა იზრუნოს დამხმარე თერაპიის დანიშვნაზე და სხვა რეკომენდაციების მოცემაზე ,რაც უნდა ეხებოდეს შემდეგ საკითხებს : პირის ღრუს ჰიგიენა და თერაპია ,საკვების ხასიათი და ფორმები , კანის მოვლა , ცხოვრების რეჟიმი და ა.შ.
შესაბამისად ,მიმართეთ მკურნალ ექიმს და სთხოვეთ მას ჩაგაყენოთ მკურნალობის თავისებურებათა კურსში .
სამწუხაროდ ჩვენ ვერ შემოგთავაზებთ ალტერნატიულ მომსახურებას , ვინაიდან თქვენი შვილი მკურნალობს ბავშვთა ასაკობრივ კლინიკაში,ხოლო ჩვენ ვემსახურებით 15 წლის და მეტი ასაკის მქონე პაციენტებს.
გმადლობთ, რომ გვენდობით, გისურვებთ ჯანმრთელობას !