კითხვა: გამარჯობა, მაქვს მუხლებში სიცხე ხან ძლიერი სიცივე საერთოდ ვერ ვთბები ღამე გაყინული მაქვს ფეხის თითები და მაინტერესებს ზოგადად რა პრობლემა იქნება მადლობა წინასწარ, თუ ჩამოსასვლელი ვარ თქვენთან ჩამოვალ გამოკვლევებზე როდის შევძლებ კოსულტაციას სრულად დიაგნოზის დასმას გულზეც რაღაც ცუდად ვხდები დრო და დრო ველოდები პასუხს მადლობა კიდე ერთხელ
პასუხი:
მოგესალმებით,
თერმორეგულაციის მექანიზმის დარღვევა, ყველაზე ხშირად სისხლძარღვების პათოლოგიებთანაა დაკავშირებული. სისხლის ცუდი მიმოქცევის გამომწვევ დაავადებებს შორის გვხვდება გულ–სისხლძარღვთა სისტემაში დარღვევები, ვეგეტო–სისხლძარღვოვანი დისტონია, ნერვული მოშლილობები, ვენების ვარიკოზული გაფართოება, ჰიპოტენზია (დაბალი წნევა) და ათეროსკლეროზი.
ცივი და ხშირად ოფლიანი კიდურები ენდოკრინული სისტემის პათოლოგიაზე მეტყველებს, ამ დროს საჭიროა ფარისებრი ჯირკვლის ჰორმონებზე ანალიზი.
ხელებისა და ფეხების სიცივე შეიძლება რკინადეფიციტური ანემიის შედეგიც იყოს.
თუ ჯანმრთელობის სერიოზული პრობლემები გამოირიცხება, მაშინ კარგ ეფექტს იძლევა , კონტრასტული შხაპი, ხოლო ძილის წინ ზღვის მარილის დამამშვიდებელი აბაზანა. მნიშვნელობა აქვს კვებასაც – მიირთვით მეტი ხილი და ბოსტნეული, წიწიბურა (მდიდარია რუტინით, კედლებსა და კაპილარებს ამაგრებს), ვაშლი, გარგარი.
სასურველია გამორიცხოთ ანემია, ფარისებრი ჯირკვლის პათოლოგია, და შემდეგ მიმართოთ ანგიოლოგს.
გასათვალისწინებელია კიდევ ერთი პათოგენეზური ფაქტორი – ხშირ შემთხვევებში , ე.წ. რეინოს დაავადება ,დაკავშირებულია ჰელიკობაქტერიის არსებობასთან,რომლის გამოსავლენად საჭიროა გასტროენტეროლოგთან ვიზიტი .
გაცნობებთ, რომ ჩვენი კლინიკა არის პოლიპროფილური, გვყავს ყველა ექიმი, რაც ხელს შეგიწყობთ და არ მოგიწევთ სხვადასხვა კლინიკაში სპეციალისტებთან ვიზიტი.
კლინიკაში მიმდინარე აქციის ფარგლებში შემოგთავაზებთ, ფარისებრი ჯირკვლის კვლევას, რომელიც ვრცლად შეგიძლიათ იხილოთ ბმულზე:
დამატებითი ინფორმაციისათვის, შეგიძლიათ დაგვიკაშირდეთ ნომერზე 577 119 119 ან 2 02 25 25.
გმადლობთ, რომ ენდობით ჩვენს კლინიკას, გისურვებთ ჯანმრთელობას !
გამოაგზავნეთ შეკითხვა
