კითხვა: გამარჯობა. ჩემი მეუღლე არის 62 წლის. აქვს გულის მოციმციმე არითმია, ასევე ტრომოფრებიტი. ექიმის რჩევით იღებდა 1 ტაბლეტ ვარფარინს. 31.07.2018 წელს INR ჰქონდა 1.80. 25.09.2018 ში INR მოვიდა 0.99. ექიმმა ურჩია ვარფარინის დოზა გაეზარდა და აწი მიეღო ორი ტაბლეტი. 05.11.2018 ში INR ჰქონდა 5.78 რაც ნორმას ძალიან აჭარბებს. თავს ცუდად გრძნობდა, დაეწყო სისხლიანი შარდდენა (უკვე აღარ აღენიშნება) ექიმმა ურჩია შეეწყვიტა ვარფარინის მიღება, თავისით დარეგულირდესო და 10 დღის შემდეგ ისევ ვნახოთო. რაიმე სხვა ზომების მიღება ხომ არ არის აუცილებელი? P.S სისხლიანი შარდდენა როცა ჰქონდა, თირკმლის არეში და მთელი მუცლის არეში ძლიერი ტკივილი ჰქონდა, გვეგონა კენჭის გავლა იყო, ეხოსკოპიაზეც იყო და უთხრეს რომ არ ყოფილა კენჭის გავლა. თუ შეგიძლიათ კვალიფიციური და კომპედენტური ექიმი გვირჩიოთ ვისთანაც მივალთ.
პასუხი:
მოგესალმებით,
ვარიკოზის ანუ ვენების ვარიკოზული გაგანიერების შორს წასულ შემთხვევებში, ვითარდება თრომბოფლებიტი (ვარიკოზული ვენების ანთება).
ჩვენს კლინიკაში, ფუნქციონირებს კიდურის შემანარჩუნებელი მიმართულება, რომელიც არტერიული დაზიანებების მქონე პაციენტებს მაღალი ტექნოლოგიებისა და მინიმალური ჩარევის საშუალებით სისხლის მიმოქცევის აღდგენაში ეხმარება.
კლინიკაში დანერგილია ენდოვასკულური მეთოდი – განაკვეთისა და ზოგადი ანესთეზიის გარეშე დახშული სისხლძარღვების მკურნალობა.
შესაბამისად, პაციენტს შეუძლია მობრძანდეს ჩვენს კლინიკაში, ანგიოლოგთან უფასო კონსულტაციაზე, რომელიც ტარდება ყოველ სამშაბათს.
რაც შეეხება მოციმციმე არითმიას, ეს არის გულის რიტმის დარღვევა, რომელიც განსაკუთრებით ხშირად გვხვდება ხანში შესულ ადამიანებს შორის.
მოციმციმე არითმიის დროს წინაგულები ქაოსურად და არარეგულარულად იკუმშება, მათი შეკუმშვა არ არის კოორდინირებული გულის პარკუჭების შეკუმშვასთან, რის შედეგადაც გულისცემა არარეგულარული, არითმული გამოდის. ხშირად გულის შეკუმშვათა სიხშირეც მომატებულია, ყოველივე ამის გამო ორგანიზმისთვის სისხლის მიწოდება უარესდება და პაციენტი გულის ფრიალს, ქოშინს ან სისუსტეს უჩივის.
განასხვავებენ მოციმციმე არითმიის პაროქსიზმულ და ქრონიკულ ფორმებს. პირველი მცირე ხანს გრძელდება და გაივლის, ხოლო მეორე მუდმივია.
მოციმციმე არითმიის მკურნალობა ითვალისწინებს გულის ნორმალური რითმის აღდგენას, როცა ეს შეუძლებელია - გულის შეკუმშვათა სიხშირის კონტროლს. გარდა ამისა, მოციმციმე არითმიის მკურნალობის მნიშვნელოვანი მომენტია თრომბოზის თავიდან აცილება.
შეუძლია თქვენს მეუღლეს მობრძანდეს ჩვენს კლინიკაში, სადაც შევთავაზებთ გულ–სისხლძარღვთა სისტემის სრულყოფილ კვლევაზე ფასდაკლებას, ვრცლად იხილეთ ბმულზე: https://kirurgia.ge/article/31406/gul%E2%80%93siskhldzarghvta-patologiebis--droulad-gamovlenis,-profilaqtikisa-da-mkurnalobis-miznit-chaitaret-umnishvnelovanesi-kvlevebi-mkholod-65-larad
დამატებითი ინფორმაციისათვის და ჩასაწერად, დაგვიკავშირდით ნომერზე 577 119 119 ან 2 02 25 25.
თუ გსურთ გაეცნოთ ჩვენს პასუხებს კარდიოლოგიურ პათოლოგიებთან დაკავშირებით, შეგიძლიათ იხილოთ ბმულზე: https://kirurgia.ge/29/shekitkhva-eqims/22
გმადლობთ, რომ ენდობით ჩვენს კლინიკას, გისურვებთ ჯანმრთელობას !
გამოაგზავნეთ შეკითხვა
