კითხვა: მოგესალმებით, ვარ 47 წლის,მაქვს მარჯვენა მკერდის ჯირკვლოვანი ინვაზიური კარცინომა, მე-3 ხარისხის, მე-2 სტადია. ბიოფსიისა და ქორ-ბიოფსიის საფუძველზე დამიდგინეს.მირჩიეს მკურნალობის ორი სქემა: 1. ოპერაცია მკერდის მოკვეთა და შEმდგომ ქიმია, 2 . ქიმია, სხივები, ოპერაცია მკერდის ნაწილობრივი შენარჩუნებით დ ა სხივები. სიმაგრე 2,5 სმ-იანია და ქიმიით ჯერ დავაპატარებთ და მერე ამოვკვეთთო, თან დასაწყისში ქიმიის გამოყენება საშუალებას მოგვცემს სიმსივნე როგორ რეაგირებს ქიმიაზეო. მე არჩევანის წინაშე დამაყენეს და ვერ ვწყვეტავ, რომელი სქემა იქნება ეფექტური და სიცოცხლისათვის უსაფრთხო (მეშინია , ვიცი რომ ქიმია აზიანებს სხვა ორგანოებსაც, ასევე მკერდის ნაწილობრივმა შენარჩუნებამ არ წარმოქმნას შემდგომი გართულებები) გაკეთებული მაქვს მუცლის ღრუს და გულ-მკერდის ტომოგრაფია, ძვლების სცინტოგრაფია და ბიოფსია ლიმფური კვანძისაც , არც ლიმფაში და არც ერტ ორგანოში მეტასტაზი არ არის. გთხოვთ მირჩიეთ რომელ სქემას მივყვე. მადლობა გულისხმიერებისათვის.
პასუხი:
მოგესალმებით,
საზოგადოდ, სარძევე ჯირკვლის ავთვისებიანი სიმსივნე ყველაზე ხშირად 35-დან 50 წლამდე იჩენს თავს, მაგრამ ბოლო დროს ქვედა ასაკობრივი ზღვარი 25 წლამდე შემცირდა. სამწუხაროდ, ხშირად მოგვმართავენ ისეთი პაციენტები, რომლებსაც სიმსივნის უკვე შორსწასული პროცესი აღენიშნებათ.
ძუძუს კიბოს ახალი შემთხვევების მატებას მრავალი რისკის ფაქტორი უწყობს ხელს. მათ შორისაა:
- ცხოვრების არაჯანსაღი წესი;
- საკვები;
- ხშირი სტრესი.
- ჩვენს კლინიკაში, მკურნალობის მეთოდის არჩევა, თანამედროვე მიდგომით ხდება „კიბოს ჯგუფის“ , იგივე ტუმორბორდის ( Tumor Board) მიერ, რაც გულისხმობს იმას, რომ პაციენტის მდგომარეობის შეფასებაში მონაწილეობენ ერთობლივად:
- კლინიკური ონკოლოგი;
- ქიმიოთერაპევტი;
- ონკოქირურგი;
- რადიოთერაპიის ექიმი – სპეციალისტი;
- რადიოლოგი და სხვ .
მხოლოდ ასეთი ჯგუფის მიერ, კონსილიუმის წესით გადაწყვეტილი მკურნალობის მიმართულება ითვლება თანამედროვე და შედეგზე ორიენტირებულ მეთოდად.
ჩვენთვის უცნობია სად იტარებთ თქვენ მკურნალობას და რა პრინციპით იქნა არჩეული მკურნალობის მეთოდი თქვენს შემთხვევაში.
შესაბამისად, შეუძლებელია, განისაზღვროს მკურნალობის პერსპექტივები ან ალტერნატიული მეთოდები.
აქედან გამომდინარე, არსებობს ორი გზა. ერთ შემთხვევაში თქვენ უნდა ენდოთ თქვენს მკურნალ ექიმს და მიჰყვეთ მის რჩევებს, მეორე შემთხვევაში კი, განსხვავებული აზრის მოსასმენად მობრძანდეთ ჩვენს კლინიკაში და თქვენი ანამნეზი, კვლევების პასუხები და დანიშნული მკურნალობა განხილული იქნეს ჩვენთან არსებული „ტუმორბორდის“ შეკრებაზე.
წინასწარ შეგიძლიათ, მობრძანდეთ ექიმ–ონკოლოგთან უფასო კონსულტაციაზე, რომელიც დანიშნავს ჯგუფის შეკრებას.
ონკოლოგთან უფასო კონსულტაციები ტარდება ყოველ სამშაბათს, წინასწარი ჩაწერით ნომერზე 577 119 119 ან 202 25 25.
გმადლობთ, რომ გვენდობით, გისურვებთ ჯანმრთელობას !
გამოაგზავნეთ შეკითხვა
