დისკოს თიაქარი

მოგესალმებით,
თქვენი მონათხრობიდან გამომდინარე აშკარაა, რომ გესაჭიროებათ ოპერაციული მკურნალობა .
ხერხემლის თიაქრისაგან განკურნება, ტრადიციული მეთოდებით, ტკივილგამაყუჩებელი და ანთების საწინააღმდეგო ინექციებით, წამლებით, მაგნიტური ზემოქმედებით არ ხდება, ძალიან ხშირად კი – საზიანოცაა. დროებითი გაუმჯობესების შემდეგ ავადმყოფობა ისევ მძაფრდება, რემისიის პერიოდი სულ მოკლდება, გამწვავება სულ უფრო მტკივნეულია.
ოპერაციული ჩარევის ჩვენება გახლავთ – რადიოლოგიურად დადასტურებული დისკოს თიაქარი და ამ თიაქრის შესაბამისი ნევროლოგიური დეფიციტის არსებობა.
ოპერაცია მაღალეფექტურია. ხოლო ისეთი გართულებები, როგორიც არის ჭრილობის ინფექცია, სისხლდენა და სხვა, მოგეხსენებათ, ნებისმიერ ქირურგიულ ჩარევას შეიძლება მოჰყვეს.
ოპერაციის შემდგომ პერიოდში გარკვეული ხნით პაციენტს ენიშნება სპეციალური სამკურნალო ტანვარჯიში ხერხემლის სვეტის განტვირთვისთვის, ცურვა, ოპერაციიდან 3 თვის განმავლობაში ეკრძალება ფეხბურთის, ხელბურთის, ჩოგბურთის თამაში, ველოსიპედისა და მანქანის მართვა, ხოლო 6 თვემდე - მანქანით ხანგრძლივი მგზავრობა.
ამ პერიოდის გასვლის შემდეგ, მკურნალი ექიმი თავად მოგცემთ რეკომენდაციას, თქვენთვის შესაბამის ვარჯიშებზე, გასათვალისწინებელია ისიც, რომ ვარჯიში სპეციალისტის მეთვალყურეობით უნდა წარიმართოს.
მიმართეთ მკურნალ ნეიროქირურგს, ან შეგიძლიათ მობრძანდეთ ჩვენს კლინიკაში ნევროლოგთან და ნეიროქირურგთან უფასო კონსულტაციაზე, რომელიც ტარდება ყოველ პარასკევს, წინასწარი ჩაწერით ნომერზე 577 119 119 ან 2 02 25 25.
თუ გადაწყვეტთ ვიზიტს, სასურველია თან იქონიოთ ჩატარებული გამოკვლევების პასუხები.
გმადლობთ, რომ ენდობით ჩვენს კლინიკას, გისურვებთ ჯანმრთელობას !